නීලවර්ණ කඳු පෙළ අතර
දැහැන්ගත වී....
සිතෙහි ගුලි කරගත්
හැම පැතුම් පොදි...
ඒ කඳු යායට මුමුණන්න..
මීදුම් පටල අතර සැඟවී..
ගලන ජල තරංගයෙන්..
මිලින වන සුන්දර දකුණු ලකේ...
දුවා දරුවන්ගේ යහපත  වෙනුවෙන්...
සුපුන් සඳක් වෙමින් හැමවිට...
අදින් ඔබ අරඹන..
නව ගමන් මග...
ඔබට...
සිතතුටින් පිරි...
නැවුම් අපේක්ෂාවෙන්  පිරි
ලොවක් වේවා...
පතමි මා හදවතින්...

මේ කොපුල මේ නලල
සෙමෙන් සිපගනිමි මම...
ඔබේ දෙනෙතට එබෙමි
එතුල මම, මා සොයමි
මුදු දෙතොල වෙත නැමෙමි
උණුසුමට වසඟ වෙමි......
සියොලඟම සසල කල
සිහිනයක මම වෙලෙමි...

සමී♥️
සිතුවිලි පළස♥️♥️

මල් මල් ගවුමක් ඇඳලා ..
කොණ්ඩ කරල් දෙකක් ගොතා..
ඔබේ අතේ එල්ලී ගෙන..
ආසයි මට පිය නඟන්න...
එදා වගේ බාල වියට...

සිහිනෙන් ආ කුමාරයෙක්...
සින්ඩ්‍රෙල්ලව රැගෙන ගහින් ...
එදා කියු ඔබේ කතාව..
ආසයි මට අහන් ඉන්න...
ඔබේ පාමුල වැතිරීලා..

⁣මුතු කුඩ වැසි වසින වෙලේ...
කඩදහි ඔරුවක නැගිලා ...
ඒ කුමරා සොයා යන්න..
අාසයි මට නැවත එන්න..
ඔබේ අතත් අල්ලාගෙන ...
මගේ අම්මේ..

අශී
05/13

හිමි වූවත්...
අහිමි වූවත්...
අකැමැතිය ගැහැනියක්...
තවකෙකු සමඟින්...
බෙදා ගන්නට යමක්..
ළඟින් උන්නත්...
දුරින් උන්නත්...
අකැමැතිය ගැහැනියක්..
තවකෙකු කියන්නක්
අසන්නට වරදක් ලෙසින්...
එයයි ස්ත්‍රීත්වය...
හැමෝම පතන...
හැමෝටම නොලැබෙන ..

අශී
05/13

හිමි නොවෙනා බව දැනෙන විට මට ඔබව..
තුන් හිතම ගොස් වඳියි ඔබේ ළය මත..
සුවඳක් වී ඔබ එනවිට මහ රැයක..
රෑ තිස් පැයෙත් ඇහැරී දුක් විඳී මම..

නොලැබෙන හෙයින් දවසක මට ඔබව..
අහිමිව යයි මට මගේ ජීවිතය..
යළි යළිත් ඇවිදින් හිතට මේ ලෙස..
දල්වන්නම් මං ආදරයේ මිණි පහන..

මහ මළුවේ පහන් දල්වා..
රවුළු දෙවොලට බාර වී..
පද්මේ නළලත තබා දිවුරමි..
හැර නොයන්නෙමි මතු සසරේ මා ඔබව..

අශී
04/28

පියඹා ඇවිත් ඔබේ සිත ළඟ නවතින්න..
ලැබිලා නෑනේ අත්තටු මට ඉගිලෙන්න..
කඳුළ ළඟම ඉකි බිඳුමක් වී ඉන්න..
ආසයි සබඳ ඔබේ පාමුල මියැදෙන්න..

මලක් වෙලා සිත අද්දර පිබිදෙන්න..
දුරින් නොවේ ළඟ හිඳ ගෙන රැකගන්න..
සිහිනෙන් ඇවිත් ඔබ සිප සනසාලන්න..
ආසයි සබඳ ඔබ සිත ළඟ නැලවෙන්න..

අශී
04/29

වසර දස දහසක් පුරා..
මා මග බලා හිඳිනවා..
නුඹ එනතුරා..
නොසිතු මොහොතක
මා හැර දමා ගිය..
නුඹ එතැයි කිය කියා..
මඟ බලා හිඳ..
දෑස මගේ රිදෙනවා...
මන්දෝදරී......

අශී
04/27